Hreppsnefnd Reykhólahrepps samþykkti á fundi sínum 9. júní 2011 að auglýsa tillögu að breytingu á aðalskipulagi Reykhólahrepps 2006-2018. Samkvæmt 31. gr. skipulagslaga nr. 123/2010 er hér með auglýst eftir athugasemdum við tillögu að breytingu á aðalskipulagi Reykhólahrepps. Skipulagsuppdrættir, greinargerð og umhverfisskýrsla liggja frammi á skrifstofu Reykhólahrepps og hjá Skipulagsstofnun, Laugavegi 166, Reykjavík, frá 11. júlí til 29. ágúst 2011. Ennfremur eru gögnin aðgengileg hér á vef sveitarfélagsins (sjá neðar). Athugasemdum skal skila skriflega á skrifstofu Reykhólahrepps að Maríutröð 5a eða á netfangið skrifstofa@reykholar.is merkt „Aðalskipulag“. Þeir sem ekki gera athugasemdir innan tilskilins frests teljast samþykkir tillögunni.

Gögnin er að finna undir Stjórnsýsla > Skipulag Reykhólahrepps í valmyndinni hér vinstra megin á síðunni. Um er að ræða fjögur pdf-skjöl sem öll eru merkt innan sviga júlí 2011.