Eyrún Ingibjörg Sigþórsdóttir

Eyrún Ingibjörg Sigþórsdóttir, sveitarstjóri á Tálknafirði, býður sig fram til forystusætis í prófkjöri Sjálfstæðisflokksins í NV-kjördæmi sem fram fer 21. mars 2009.  Hún hefur átt sæti á framboðslista Sjálfstæðisfokksins sl. tvö kjörtímabil og hefur um árabil sinnt trúnaðarstörfum fyrir flokkinn og situr í miðstjórn hans.  Eyrún Ingibjörg er viðskiptafræðingur að mennt.

"Við uppbyggingu samfélagins þurfum við að horfa til þeirra atvinngreina sem skila okkur auknum tekjum.  Norðvesturkjördæmi gegnir þar lykilhlutverki.  Við þurfum að standa vörð um auðlindir okkar og framleiðslugreinar, landbúnaðinn, sjávarútveginn og stóriðjuna.  Vatnið okkar er dýrmæt auðlind  hvort heldur það er notað til framleiðslu á raforku eða til útflutnings.  Grunnstoðir hvers samfélags eru góðar samgöngur og tækifæri til menntunar.  Sveitarfélögin þurfa að hafa afl til þess að sinna sínum lögbundnu skyldum og nærþjónustu við íbúa sína.  Ef þessar grunnstoðir eru styrkar þá mun atvinnulíf og búseta styrkjast í kjördæminu og á landinu öllu.  Ég býð fram krafta mína þar sem reynsla mín af sjálfstæðum atvinnurekstri og þekking á lands- og sveitarstórnarmálum mun nýtast Sjálfstæðisflokknum og þjóðinni allri við þá vinnu sem framundar er, " segir Eyrún Ingibjörg Sigþórsdóttir.

Eyrún Ingibjörg er gift tryggva Ársælssyni, útgerðarmanni og skipstjóra og eiga þau fjögur börn.

Eyrún Ingibjörg Sigþórsdóttir - Sími 863 5676 - eyruni@internet.is  -  www.eyruni.is