A3 útfærsla Vegagerðarinnar á Reykhólaleiðinni kemur í raun lang best út úr þessari umferðaröryggisúttekt, vegna þess að hún bætir líka umferðaröryggi á Reykhólasveitarveginum, sérkennilegt að samlegðaráhrifin af því að leggja Vestfjarðaveg eftir Reykhólasveitarveginum séu ekki metin í niðurstöðunni

Ég verð að viðurkenna að mér finnst vera ný stefna í þessum pistli. Ég veit ekki betur en að sveitarstjórn hafi á sínum tíma lagt á það áherslu, að ekki þyrfti að taka með kostnað af uppbyggingu á afleggjaranum frá vegi 60 út að Reykhólum og stutt það með því að benda á það sem Mutliconsult lagði til og valkostagreiningin tók undir, að afleggjarinn ætti að bera umferðina og þess vegna ætti kostnaður við uppbyggingu hans ekki að vera inni í kostnaðaráætlun. Síðan var því bætt við að það þyrfti hvort sem er að byggja hann upp, óháð því hvort um væri að ræða stofnbraut til sunnanverðra Vestfjarða eða einungis að bera þá umferð sem myndi bara þjóna þéttbýlinu á Reykhólum og bæjunum þar fyrir utan og því ætti ekki að taka kostnað af þeirri uppbyggingu með.
Það má líka benda á að öryggismatið byggir á að öll umferð vestur fari um afleggjarann, ekki bara sú umferð sem fer um hann í dag. Það væri kannski rétt að bíða með stóru yfirlýsingarnar þar til að búið er að meta umferðaröryggi út frá því umferðarmagni sem myndi þjóna þéttbýlinu á Reykhólum og bæjunum þar fyrir utan. Í þessu sambandi má benda á að samkvæmt flokkun Vegagerðarinnar í vegategundir kemur fram að vegtýpa C7 er skilgreind sem „vegir með einni akbraut og tveimur akreinum og öxlum, breidd 7 m., ÁDU ≤500“ og undir þá skilgreiningu fellur vegur sem þjónar þéttbýlinu á Reykhólum og byggðinni þar fyrir utan. Einnig má benda á að í mati á umhverfisáhrifum fyrir leið A1 þá var gert ráð fyrir tengivegi (C7) frá brú inn að Hamarlandi og mér vitanlega gerði enginn athugasemdir við að svo væri.
Það hefur alltaf legið fyrir að leið A3 myndi koma nokkuð vel út varðandi umferðaröryggi, enda sett fram sem stofnbraut í skýrslu Vegagerðarinnar, en hún er 4 milljörðum dýrari en ÞH leiðin og á eftir að fara í gegnum umhverfismat.

Samkvæmt þessum rökum er leið R jafn ólögleg og leið Þ-H þar sem hún tengist einnig við veg sem ekki uppfyllir þá öryggisstaðla sem vegagerðin gerir til nýframkvæmda í dag. Fyrir mér er það algjör rökleisa af vegagerðinni að dæma R leið ólöglega á þessum forsendum. Ekki veit ég til þess að vegagerðin hafi umboð til að leggja dóm á lögmæti ákveðinna leiða framm yfir aðrar. Það er ekki hlutverk vegagerðarinnar enda er hún ekki hlutlaus í þessu máli.

Sæll Helgi,

Það er engin ný stefna í þessum pistli. Það hefur alltaf verið sagt að það þurfi að uppfæra Reykhólasveitarveg, kostnaðurinn á því ekki við bara við um R-leið heldur allar. C7 skilgreining vegagerðarinnar á við um tengivegi, Reykhóasveitarvegur er stofnvegur eins og kemur fram í skilgreiningu vegagerðarinnar:

,,Til stofnvega teljast vegir sem tengja saman byggðir landsins. Við það vegakerfi sem þannig fæst skal tengja þéttbýlisstaði með um það bil 100 íbúa eða fleiri."

Það er ekkert hægt að þvæla þetta, enda algjörlega skýrt. Vegagerðin á að sinna þessum vegi og uppfæra hann í samræmi við eigin kröfur og staðla, sama hvaða leið við veljum.

Varðandi breytta stefnu þá vil ég benda á eftirfarandi úr skýrslu Viaplan:

"Helsti ágreiningur milli Vegagerðarinnar og Multiconsult um Reykhólaleiðirnar, snýr annars vegar að brúartegund yfir Þorskafjörð og hins vegar því að Vegagerðin telur að ekki sé kleift að nýta núverandi Reykhólasveitarsveitarveg frá Vestfjarðavegi við Skáldstaði að Reykhólum, heldur verði að endurbyggja þann veg að stórum hluta."

og

"Að mati Viaplan er ekki hægt að líta framhjá því að Reykhólasveitarvegur frá gatnamótum Reykhóla að Vestfjarðavegi er til staðar í dag og er fullkomlega ásættanlegur miðað við áætlað umferðarmagn og miðað við stöðuna á Vestfjarðavegi í Gufudal og Djúpadal í dag. Hægt er að lagfæra veginn hvenær sem er og því er ekki talið forsvaranlegt að láta Reykhólaleið R vera háða uppfærslu á Reykhólasveitarvegi, ekki frekar en Teigsskógsleið ÞH og Gangnaleið D2 eru háðar uppfærslu á Vestfjarðavegi að Króksfjarðarnesi, en sá vegur er ekki ósvipaður Reykhólasveitarvegi með þversnið sem er 6,5-7 m breitt á köflum og töluvert um krappar beygjur."

Vegurinn að Króksfjarðarnesi er sameiginlegur öllum leiðum og kostnaður við uppbyggingu hans er því álltaf sá sami óháð leið, meðan uppbygging afleggjarans sem stofnbrautar fyrir umferð yfir 500 ÁDU er bara háð leið R.