Skjáskot úr þættinum.

Jóni Atla Játvarðarsyni frá Miðjanesi verða oft vísur eða kviðlingar á munni í tilefni dægurmála í samfélaginu. Hann horfði á þáttinn Sunnudagsmorgun í sjónvarpinu í gær. Þar ræddi stjórnandinn við forsætisráðherra en hafði viðstaddan sér til öryggis Gunnar á Hlíðarenda, nema það hafi verið Nelson flotaforingi. Jón Atli kvað:

Gísli fram öll tók sín tól

og taldist nokkuð virkur.

Nelson var í næsta stól

og nægur orðinn styrkur.

Gísli Marteinn geisar inn,

gott er að hann batni,

meðan klæðlaus keisarinn

kemur upp úr vatni.