Mágkonurnar Guðlaug Jónsdóttir og Ása Björg Stefánsdóttir í Árbæ í Reykhólasveit fóru sem oftar í dúnleit í Skútunaustahólma rétt inn með Þorskafirði 25. júní 2013. Þær hafa alla tíð verið í nánum tengslum og kynnum við æðarfuglinn og stundað dúntekju í áratugi, en þarna sáu þær nokkuð sem þær höfðu aldrei séð fyrr: Sambýlishreiður sem tvær kollur hafa gert sér, fullt af dún og allt í sátt og samlyndi hjá þeim. Kannski þær séu eineggja tvíburar, sagði Ása.