Veðrið var með allra besta móti þegar hafist var handa við að afferma bíllinn.

Vörurnar voru fluttar með kerrum niður í Djúpadal, þar sem annar flutningabíll beið.

Unnið var hörðum höndum að ferma flutningabílinn sem fór með varninginn til Patreksfjarðar.

Eins og sést, þá var bíllinn vel lestaður.

« 1 af 4 »

Á mánudaginn fór Björgunarsveitin Heimamenn í verðmætabjörgun á Hjallahálsi, þar sem flutningabíll valt á föstudagskvöld. Tólf meðlimir tóku þátt og fór allur dagurinn í að afferma bílinn og koma varningnum fyrir í öðrum flutningabíl.

Bíllinn var stakkfullur af varningi á leið til Patreksfjarðar, allt frá matvöru til byggingarvara. Erfitt var að fóta sig inni í bílnum þar sem hann var fullur af snjó og málning hafði hellst niður.

Aftur á móti var veðrið með besta móti og gerði það að verkum að aðgerðin heppnaðist vel. Að lokum var bíllinn réttur við og mun hann verða sendur suður til Reykjavíkur í vikunni til skoðunar.