Flugeldasala björgunarsveitarinnar Heimamanna 2021

Salan verður í húsi björgunarsveitarinnar að Suðurbraut 5 á Reykhólum, (húsinu á móti flokkunarsvæðinu)

Við viljum minna alla á grímuskyldu og persónulegar sóttvarnir.

Opnunartími:

 Fimmtudag  30. 12.   kl. 12 - 20

 Föstudag      31. 12.   kl. 10 - 14

Ásamt flugeldum verður hægt að kaupa rótarskot.

Allur ágóði af sölunni rennur til björgunarsveitarinnar Heimamanna.

Flugeldasala björgunarsveitanna er mikilvægur liður í fjáröflun sveitarinnar og er ágóði hennar nýttur til þess að styrkja starf sveitarinnar, t.d. kaup á nýjum búnaði, endurnýjun á gömlum búnaði, þjálfun og fræðsla.

Einnig tekur björgunarsveitin alltaf á móti styrkjum, hægt er að leggja inn á reikning Heimamanna:

kt. 430781-0149

Banki  0153-26-000781

Heimamenn senda öllum hátíðar- og nýárskveðjur og sérstakar þakkir til allra þeirra sem hafa stutt okkur í gegnum árin.

Stofnfundur fyrir unglingadeild björgunarsveitarinnar Heimamanna verður haldinn kl. 18:30, mánudaginn 2. nóvember í björgunarsveitarhúsinu við Suðurbraut 5. Starfið er ætlað börnum á aldrinum 13 til 18 ára og verður í umsjá Jóhönnu Aspar og Sigrúnar.

Í kvöld 28. október verður haldinn vinnufundur í Björgunarsveitarhúsinu klukkan 20:00. Eins og vanalega á vinnufundum er tíminn notaður til að fara yfir tæki og búnað og gera allt klárt fyrir veturinn.  

Brynjólfur og Ágúst Már í snjótroðaranum Bamba. Mynd: Egill Sig.

Menn að reyna finna út hvað sé að Fordinum sem bilaði hjá Blöndu. Mynd: Egill Sig.

Eins og sést var fínt færi þegar komið var niður af jöklinum. Mynd: Egill Sig.

Kaffipása við Hrollleifsborg. Mynd: Eiríkur Kristjáns.

Bambi kominn með Fordinn í tog. Mynd: Eiríkur Kristjáns.

Komnir með Fordinn niður í Reykjafjörð syðri. Mynd: Eiríkur Kristjáns.

Fyllt á Land-Roverinn í Norðurfirði áður en heim á leið er haldið. Mynd: Eiríkur Kristjáns.

« 1 af 7 »

Tækjamót Slysavarnafélagsins Landsbjargar 2015 var haldið á Ströndunum um síðustu helgi, 20.-22. mars. Alls tóku rúmlega 300 manns þátt í mótinu, sem Björgunarsveitin Strandasól í Árneshreppi skipulagði. Björgunarsveitin Heimamenn í Reykhólahreppi lét sig ekki vanta á grannaslóðir og mætti til leiks með Land-Roverinn sinn og snjótroðarann Bamba. Þeir félagar í sveitinni sem tóku þátt í mótinu voru Brynjólfur, Eiríkur, Egill, Eyvindur, Jens og Ágúst Már. Hér fyrir neðan er stiklað á stóru í ferðalagi Heimamanna.

Vinnufundinum sem átti að fara fram í kvöld verður seinkað til morguns þar sem stjórn björgunarsveitarinnar þarf að fara á námskeið á Hólmavík. Hann verður því kl. 20 á morgun, miðvikudaginn 12. mars. Stjórnin vill sömuleiðis koma á framfæri að námskeiðinu sem átti að fara fram um næstu helgi verður frestað um óákveðinn tíma vegna óska frá Björgunarskólanum.

Hópurinn ásamt kennaranum henni Heiðu Jónsdóttur.

Um helgina var haldið námskeið í fjallamennsku á Reykhólum fyrir björgunarsveitina. Sjö meðlimir tóku þátt og einn af þeim er nýskráður í björgunarsveitina, Snæbjörn Jónsson, og bjóðum við hann velkominn til starfa. Á námskeiðinu voru kennd grunnatriði í ferðalögum um fjalllendi að vetri til. Farið var yfir helstu hættur og okkur kennd undirstöðuatriði í lestri á landslagi, sem og umhverfisvitund. Á laugardeginum fórum við í Borgarlandið þar sem farið var yfir notkun ísaxar, mannbrodda og snjóýla ásamt helstu snjótryggingum. Að auki fékk Beggi á Gróustöðum að halda smá fyrirlestur um hvernig hægt er að skoða snjólög til að meta hættu á snjóflóðum. Sunnudagurinn var síðan lagður undir klettaklifur, þar sem helstu bergtryggingar voru prufaðar. Þá var aftur haldið í veðursældina í Borgarlandinu.

Veðrið var með allra besta móti þegar hafist var handa við að afferma bíllinn.

Vörurnar voru fluttar með kerrum niður í Djúpadal, þar sem annar flutningabíll beið.

Unnið var hörðum höndum að ferma flutningabílinn sem fór með varninginn til Patreksfjarðar.

Eins og sést, þá var bíllinn vel lestaður.

« 1 af 4 »

Á mánudaginn fór Björgunarsveitin Heimamenn í verðmætabjörgun á Hjallahálsi, þar sem flutningabíll valt á föstudagskvöld. Tólf meðlimir tóku þátt og fór allur dagurinn í að afferma bílinn og koma varningnum fyrir í öðrum flutningabíl. Bíllinn var stakkfullur af varningi á leið til Patreksfjarðar, allt frá matvöru til byggingarvara. Erfitt var að fóta sig inni í bílnum þar sem hann var fullur af snjó og málning hafði hellst niður.