Úr gerðabók hreppsnefndar Reykhólahrepps í fyrri hluta júlí 1987.

Núna á fimmtudag verður fundur nr. 400 í sveitarstjórn (hreppsnefnd) Reykhólahrepps hins nýja frá stofnun hans laugardaginn 4. júlí 1987. Þann dag sameinuðust í eitt sveitarfélag eftir mikinn undirbúning allir hrepparnir fimm í Austur-Barðastrandarsýslu, þ.e. Geiradalshreppur, Reykhólahreppur, Gufudalshreppur, Múlahreppur og Flateyjarhreppur. Að þessum tímamótafundi núna meðtöldum eru fundir sveitarstjórnar að meðaltali 13,6 á ári eða liðlega einn á mánuði að jafnaði.

Myndin sem hér fylgir er af fyrstu opnunni með fundargerðum sveitarstjórnar hins sameinaða sveitarfélags, öll fyrsta fundargerðin og upphaf þeirrar næstu. Þarna liðu aðeins 12 dagar milli fyrstu funda enda ærin verkefni.

Dagskrá fundarins á fimmtudag má skoða, eins og jafnan tveimur dögum fyrir fund, í reitnum Tilkynningar neðst til hægri hér á síðunni.

Vestfirðir: Fækkun frá 2005 nema í Reykhólahreppi (mars 2015).

Sjá hér súlurit og töflu um breytingar á mannfjölda í hreppum Austur-Barðastrandarsýslu 1901-2010 (fækkun úr 1.197 manns í 278). Árið 1901 var Flateyjarhreppur langfjölmennastur hreppanna fimm með 433 íbúa.