Lóðirnar eru þar sem rauðu ferningarnir eru.

Reykhólahreppur auglýsir til úthlutunar fjórar lóðir á Reykhólum.

Um er að ræða fjórar lóðir sem allar eru á skilgreindri íbúðarhúsabyggð á Reykhólum skv. gildandi aðalskipulagi Reykhólahrepps 2006-2018. Um lóðirnar gildir deiliskipulag í þéttbýli á Reykhólum sem samþykkt var 15. desember 2014 og skipulag eldri byggðar frá 1970 teiknað af Fjarhitun.

Umræddar lóðir eru eftirfarandi:                  

1.       Reykjabraut 6, leigulóð, 1014 m² stærð, landnr. 180402. Á lóðinni má byggja allt að 120m² hús    á     einni hæð, auk 20m² geymslu, allt skv. sérskilmálum í deiliskipulagi.

2.       Hellisbraut 40, leigulóð, 997 m² stærð, landnr.  227536. Á lóðinni má byggja allt að 120m² hús á einni hæð, auk 20m² geymslu, allt skv. sérskilmálum í deiliskipulagi.

3.       Hellisbraut 46, leigulóð, 899 m² stærð, landnr. 227537. Á lóðinni má byggja allt að 120m² hús á einni hæð, auk 20m² geymslu, allt skv. sérskilmálum í deiliskipulagi.

4.       Hellisbraut 54, leigulóð, 953 m² stærð, landnr. 227538 Á lóðinni má byggja allt að 120m² hús á einni hæð, auk 20m² geymslu, allt skv. sérskilmálum í deiliskipulagi.

Til að umsókn teljist gild skulu umsækjendur greiða kr. 20.000 í staðfestingargjald og þá skulu þeir jafnframt leggja fram skriflega staðfestingu frá banka eða lánastofnun um greiðsluhæfi og/eða möguleika á lánafyrirgreiðslu vegna fyrirhugaðrar húsbyggingar. Skal í staðfestingunni koma fram að umsækjandi geti fjármagnað 100% kostnaðar fyrirhugaðrar húsbyggingar.

Deiliskipulag þéttbýlis á Reykhólum, úthlutunarskilmálar og umsóknareyðublað er aðgengilegt á vef sveitarfélagsins www.reykholar.is. Sjá einnig reglur um tímabundna niðurfellingu gatnagerðargjalda. Umsókn skal senda á Stjórnsýsluhús Reykhólahrepps, Maríutröð 5a, 380 Reykhólahreppi, eða á netfangið sveitarstjori@reykholar.is. 

Umsóknarfrestur er til og með 1. nóvember 2018.