Handverks-, bóka- og nytjamarkaður Handverksfélagsins Össu í Reykhólahreppi var opnaður í Kaupfélagshúsinu í Króksfjarðarnesi í gær, 17. júní. Aðsókn var góð og fjölbreyttar vörur eru í boði. Opið verður allar helgar í sumar kl. 13-18 og einnig á virkum dögum í júlímánuði á sama tíma. Tekið er við hlutum á nytjamarkaðinn þegar opið er. Nýir handverksfélagar geta haft samband við Sóley í síma 895 7763 og Erlu Björk í síma 892 7897.

 

Meðfylgjandi svipmyndir voru teknar í gær þegar markaðurinn var opnaður. Smellið á myndirnar til að stækka. Á mynd nr. 2 er stjórn Handverksfélagsins Össu, þau Sóley Vilhjálmsdóttir formaður, Sveinn Ragnarsson ritari og Erla Björk Jónsdóttir gjaldkeri. Myndirnar eru líka vistaðar undir Ljósmyndir > Myndasyrpur > ASSA - opnun 17.06.2011.

 

Sjá nánar:

14.06.2011  Assa opnar markaðinn í Nesi 17. júní

04.06.2011  Handverkssalan á síðasta ári hálf önnur milljón

06.05.2011  Handverksfélagið Assa: Félagatalan tvöfaldaðist