Aðalfundur Handverksfélagsins Össu í Reykhólahreppi verður haldinn í Bjarkalundi kl. 20.30 annað kvöld, miðvikudagskvöldið 4. maí. Auk venjulegra aðalfundarstarfa og annarra mála verða sölumál félagsins í sumar rædd sérstaklega. „Við bjóðum alla velkomna sem áhuga hafa á handverki og smáiðnaði að ganga í félagið. Félögum fjölgaði verulega á síðasta ári, en verum þess minnug að margar hendur vinna létt verk“, segir í tilkynningu frá stjórn félagsins.

 

„Því fleiri félagar, þeim mun kraftmeira starf“, segir þar einnig.