Aðalfundur Sambands breiðfirskra kvenna (SBK) verður haldinn í matsal Reykhólaskóla í kvöld, fimmtudag, og hefst kl. 20. Fundurinn er í boði Kvenfélagsins Kötlu í Reykhólahreppi. Kvenfélögin þrjú innan SBK skulu tilnefna tvo fulltrúa hvert á fundinn og leggja fram skýrslu sins félags. Jafnframt mega allar kvenfélagskonur sitja fundinn og eru sem flestar hvattar til að mæta. Auk þess eru allir boðnir velkomnir, karlar jafnt sem konur, til að hlýða á erindi Hildar Jakobínu félagsmálastjóra, sem hefst um kl. 21.

Fundarefni:

Venjuleg aðalfundarstörf:

Fundargerð aðalfundar 2011.

Skýrslur kvenfélaga.

Skýrsla stjórnar og orlofsnefndar.

Reikningar ársins 2011

Lagabreytingar.

Stjórnarkosning, kjósa skal formann og eina konu í varastjórn til 3ja ára.

80 ára afmæli SBK 2013. Afmælisnefnd.

Erindi: Hildur Jakobína Gísladóttir, félagsmálastjóri Reykhólahrepps og Strandabyggðar, ræðir um þroskahamlanir barna.

Kaffiveitingar í boði Kvenfélagsins Kötlu.

Önnur mál.

Þetta kemur fram í tilkynningu frá Jónu Valgerði Kristjánsdóttur, formanni stjórnar Sambands breiðfirskra kvenna.