Úr Reykhólakirkju.

Á aðalsafnaðarfundi Reykhólasóknar, sem verður í Reykhólakirkju annað kvöld, miðvikudag, og hefst kl. 20.30, verður fjallað um spurninguna Hefur úrskráning úr Þjóðkirkjunni áhrif á kirkjuna mína? Á fundinum verður einnig gerð grein fyrir starfsemi og rekstri sóknarinnar á liðnu starfsári. Afgreiddir verða endurskoðaðir reikningar sóknar og kirkjugarðs fyrir síðasta ár og önnur mál tekin fyrir.

Öll sóknarbörn 16 ára og eldri hafa tillögurétt og atkvæðisrétt á aðalsafnaðarfundi. Sr. Elína Hrund sóknarprestur hvetur fólk til að koma á fundinn og taka þátt í uppbyggingu kirkjunnar sinnar. Kaffisopi og kökubiti verða á borðum.