Framkvæmdastjóri Atvinnuþróunarfélags Vestfjarða, Þorgeir Pálsson, hefur sagt upp störfum hjá félaginu og hefur náðst samkomulag milli hans og stjórnar um starfslok. Hann lætur af störfum í dag. Stjórn Atvinnuþróunarfélags Vestfjarða hefur af þessum sökum leitað til stjórnar Fjórðungssambands Vestfirðinga um tímabundna aðkomu að framkvæmdastjórn félagsins.

 

Á fundi stjórnar Fjórðungssambands Vestfirðinga í dag var beiðni stjórnar Atvinnuþróunarfélags Vestfjarða samþykkt. Hefur stjórn sambandsins falið framkvæmdastjóra Fjórðungssambands Vestfirðinga, Aðalsteini Óskarssyni, að taka tímabundið við framkvæmdastjórn Atvinnuþróunarfélags Vestfjarða, samhliða núverandi störfum.