8. apríl 2017 | Sveinn Ragnarsson
Aðgengi fatlaðra má víða færa í betra horf
Það eru víða möguleikar að bæta aðgengi fatlaðs fólks
Hringferð Brands Bjarnasonar Karlssonar lýkur á Icelandair Hotel Natura í dag.
Þar boðar Brandur til opins fundar kl 16:00 um aðgengismál og greinir frá helstu niðurstöðum ferðalagsins. Allir þeir sem láta sig aðgengismál varða eru velkomnir. Frábært ef þið gætuð hjálpað með því að koma viðburðinum á framfæri.
Hringferðin, sem farin er til að vekja athygli á aðgengi fatlaðra, stendur yfir í 5 daga og hefur hópurinn komið við í Vík í Mýrdal, á Egilsstöðum, Mývatni, Akureyri, Blönduósi og Borgarnesi.
Brandur verður á Hotel Natura kl 15:00 til að ræða við fjölmiðla fyrir fundinn.