Sr. Jóhanna I. Sigmarsdóttir sóknarprestur stefnir að því að halda aðventukvöld í Reykhólakirkju núna á sunnudaginn kl. 20, þriðja sunnudag í aðventu. Samveran átti að vera síðasta mánudagskvöld en var frestað af skiljanlegum ástæðum. Eins og nú horfir eru aftur á móti líkur á þokkalegasta veðri miðað við árstíma.

Dagskráin er fjölbreytt:

• Fermingarbörnin lesa og aðstoða.
• Kveikt á aðventukertunum.
• Frásögn frá bernskujólum um miðja 20. öld.
• Jólasaga - Jólaboðorðin tíu - Hugleiðing.
• Kór Reykhólaprestakalls leiðir almennan söng, organisti og söngstjóri Viðar Guðmundsson.

Kaffi, djús, piparkökur og spjall á eftir. Allir velkomnir.

Hvað merkir aðventa?