Laugar / umfi.is.

SamVest stefnir að því að halda æfingabúðir í frjálsum íþróttum að Laugum í Sælingsdal um næstu helgi, 4.-5. mars. Þær eru hugsaðar fyrir 10 ára og eldri, þ.e. árgangur 2007 og upp úr (grunnskóla- og framhaldsskólaaldur). Mæting er kl. 13 á laugardag, foreldrar sjá um að koma börnum sínum á staðinn og sækja þau um miðjan sunnudag. Greitt er lágmarksgjald fyrir gistingu og kostnaðarverð fyrir mat og kaffitíma (líklegt að það sé samtals í kringum 5.000 krónur).

Á Laugum er góð aðstaða fyrir hópa, íþróttahús, sundlaug og heitir pottar - fallegt og rólegt umhverfi. Dýnur eru fyrir þau sem gista, en koma þarf með svefnpoka eða sæng og kodda. Lagt er upp með fjölbreytta dagskrá, aldursskipta að hluta, með aðfengnum gestaþjálfurum.

Í Facebook-hópi SamVest er að finna skráningarlista - endilega skráið þátttakendur sem fyrst. Frekari spurningar má senda á bjorgag@gmail.com.