Olga Sigvaldadóttir á Hamarlandi í Reykhólasveit verður með opið hús í Reykhólaskóla á laugardaginn í tilefni af sextugsafmæli sínu. Samsætið hefst kl. 20 og í boði verða pottréttur, kaffi og kökur. Sjálfur afmælisdagurinn er reyndar á morgun, 17. febrúar. Hins vegar á Matthías Ólason á Hamarlandi, eiginmaður Olgu, afmæli í dag, 16. febrúar, þótt ekki sé það stórafmæli.

 

Olga er frá Hafrafelli í Reykhólasveit en Matthías er upprunninn á Hamarlandi. Á myndunum tveimur sem hér fylgja eru þau með dótturdóttur sína, Þórgunni Rítu, dóttur Herdísar Ernu Matthíasdóttur og Gústafs Jökuls Ólafssonar á Reykhólum. Litla stúlkan fæddist á þrettándanum fyrir rúmu ári.

 

Sjá einnig:

06.01.2010  Fyrsta barnið í Reykhólahreppi á nýja árinu