Afturelding: Margvíslegar íþróttaæfingar í vetur
Umf. Afturelding í Reykhólahreppi hvetur alla hreppsbúa til að huga að heilsunni og hreyfa sig reglulega. Í vetur stendur félagið sem fyrr að margvíslegum íþróttaæfingum sem henta fólki á öllum aldri og jafnt körlum sem konum. Hér fyrir neðan er skrá um það helsta sem er í boði í þeim efnum.
Sundæfingar
Andrea Björnsdóttir verður með sundæfingar í Grettislaug fyrir nemendur í 1.-10. bekk á mánudögum kl. 16. Byrjar mánudaginn 10. október.
Íþróttaæfingar
Guðrún Guðmundsdóttir verður með íþróttaæfingar í íþróttahúsinu fyrir nemendur í 1.-10. bekk á miðvikudögum kl. 15-16 í október og nóvember.
Blak
Blak fyrir konur og karla í íþróttahúsinu á miðvikudögum kl. 20.
Þrekæfingar
Sirrý Birgis verður með æfingar í íþróttahúsinu á þriðjudögum og fimmtudögum kl. 16.20. Þetta eru þolæfingar og styrktaræfingar sem henta bæði körlum og konum.
Þreksalur í húsi Grettislaugar
Þreksalurinn í kjallara Grettislaugar er opinn þegar laugin er opin. Aldurstakmark í þreksal er 14 ár en börn eru velkomin í fylgd fullorðinna.
Grettislaug á Reykhólum
Grettislaug er opin mánudaga, þriðjudaga, fimmtudaga og föstudaga kl. 16-20 og laugardaga kl. 13-18.
Fimleikar
Helgina 21.-23. október ætlar Gerða Jónsdóttir að vera með fimleika fyrir krakka á Reykhólum. Nánar auglýst síðar.
Sundmót
Sundmót á vegum UDN og Strandamanna verður í Grettislaug þriðjudaginn 18. október kl. 17. Allir hvattir til að mæta.