Ágúst Már Gröndal.

Ágúst Már Gröndal á Reykhólum hefur verið ráðinn tímabundið til að annast afgreiðslu Landsbankans á Reykhólum á meðan Sóley Vilhjálmsdóttir í Nesi er í veikindaleyfi. Starfsmaður bankans á Patreksfirði hefur reynt að sinna þessu að undanförnu en veður og færð hafa stundum gert strik í reikninginn. Milli Patreksfjarðar og Reykhóla eru um 200 kílómetrar. Flestir ættu að þekkja hvernig sú leið er á vetrum.

Reglubundinn afgreiðslutími Landsbankans á Reykhólum er á miðvikudögum, fyrst í Barmahlíð kl. 11.30-12 og síðan í húsakynnum hreppsins við Maríutröð kl. 13-16.

Það frávik er í þessari viku, eins og hér hefur komið fram, að afgreiðslan verður á áðurnefndum stöðum og tímum á morgun, þriðjudag, en ekki á miðvikudag.