11. júlí 2013 | vefstjori@reykholar.is
Áhöfnin á Húna í Flatey, Eyjasigling með ferðir
Áhöfnin á Húna. Myndin er fengin á Facebooksíðu tónleikaferðarinnar.
Áhöfnin á Húna (sem þarf víst ekki að kynna frekar) verður með tónleika í Flatey á Breiðafirði síðdegis á laugardag (hefjast kl. 17.30). Eyjasigling (Björn Samúelsson á Reykhólum) verður með ferðir frá Staðarhöfn út í Flatey frá klukkan eitt eftir hádegi og fram eftir degi eins og þörf krefur og síðan til baka um kvöldið.
Þetta verða tíundu tónleikarnir af sextán á tónleikasiglingu Húna II hringinn í kringum landið í þágu Slysavarnafélagsins Landsbjargar og björgunarsveita um allt land.
Nánari upplýsingar um ferðirnar út í Flatey og pantanir í síma 849 6748.
► Áhöfnin á Húna, sérstök vefsíða hjá RÚV