« 1 af 11 »

Uppboðið á Seljanesi var vel sótt, og margt góðra gripa var þar í boði. Allur ágóði rennur til góðgerðarmála. Upphæð söfnunarfjár var 540 þúsund, og verður því skipt í tvo staði. Það verður nánar sagt frá síðar hverjir fá að njóta, en gefið hefur verið upp að það tengist börnum.

Listar yfir þá sem sem gáfu hluti á uppboðið og styrktu þetta framtak eru hér á myndum.  

Einnig var happdrætti til stuðnings safnastarfinu á Seljanesi, þar voru veglegir vinningar.

Gestum var boðið upp á veitingar, heita súpu og grasamjólk, eitthvað sem færði yl í kroppinn og jafnvel sálina, sem var kærkomið því Kári blés nokkuð hressilega út Berufjörðinn.