Sveinn Borgar og Guðbjörg á Reykhóladögum fyrir fáeinum árum.

Sveinn Borgar Jóhannesson og Guðbjörg Tómasdóttir verða með opið hús núna á sunnudag milli kl. 16 og 18 á gistiheimilinu á Reykhólum, sem um langt árabil bar heitið Álftaland og mun gera það áfram. „Vonumst til að sjá sem flesta,“ segja þau. Léttar veitingar verða í boði, auk þess sem hægt verður að sjá það sem þarna er búið að framkvæma á undanförnum mánuðum.

Eins og hér kom fram festu Sveinn og Guðbjörg kaup á gistiheimilinu í byrjun þessa árs. Það hafði þá ekki verið í rekstri frá því haustið 2014.

Þó að húsið og gistiheimilið muni heita Álftaland hér eftir sem hingað til mun það á bókunarvefjum bera heitið Reykholar hostel.