Þorgrímur Þráinsson rithöfundur og fyrrverandi landsliðsmaður í fótbolta. Mynd úr einkasafni.

Stóra upplestrarkeppnin verður í Reykhólaskóla kl. 17 í dag, fimmtudag. Keppendur eru frá Grunnskóla Hólmavíkur, Grunnskólanum á Drangsnesi, Finnbogastaðaskóla í Árneshreppi og Reykhólaskóla. Fyrir hönd heimaskólans á Reykhólum keppir Aron Viðar Kristjánsson.

Keppnin fer þannig fram, að keppendur lesa texta eftir Þorgrím Þráinsson, ljóð eftir Erlu og ljóð að eigin vali. Dómarar eru þrír, Baldur Sigurðsson frá Röddum og Reykhólabúarnir Guðjón Dalkvist Gunnarsson og sr. Elína Hrund Kristjánsdóttir. Allir eru velkomnir að hlusta.