5. október 2015 |
Alma á Hafrafelli 85 ára
Alma ásamt Dórótheu dóttur sinni og Ástu Guðjónsdóttur, bróðurdóttur Sigvalda heitins.
Alma Dóróthea Friðriksdóttir, sem búsett var á Hafrafelli í Reykhólasveit vel yfir hálfa öld eða frá 1950 til 2006, varð 85 ára á laugardag. Hún er fædd og uppalin í Þýskalandi en kom til Íslands árið 1949 og fór að vinna á Ferstiklu í Hvalfirði. Alma giftist Sigvalda Guðmundssyni á Hafrafelli, sem andaðist á liðnu vori. Þau eignuðust sex börn og afkomendurnir eru komnir á fimmta tuginn. Alma dvelur núna á dvalarheimilinu Barmahlíð á Reykhólum.
Myndirnar sem hér fylgja voru teknar í afmælisfagnaðinum.