Alvarlegar athugasemdir við drög að matsáætlun
Hreppsnefnd Reykhólahrepps lýsir undrun sinni á því að leið B [út með Þorskafirði að vestanverðu] skuli ekki vera tekin með í drögum að tillögu að matsáætlun vegna vegagerðar á leiðinni milli Bjarkalundar og Melaness, þar sem sú leið er á aðalskipulagi Reykhólahrepps og sveitarfélög fara með skipulagsvaldið lögum samkvæmt. Bókun þessa efnis var gerð á fundi nefndarinnar í kvöld þegar fjallað var um drög Vegagerðarinnar að tillögu þar sem valið stendur aðeins milli þriggja leiða, þ.e. D1, H og I (sjá meðf. kort).
Jafnframt krefst nefndin þess, að leið A1 verði tekin til greina og tekin til mats á umhverfisáhrifum til samanburðar við leið I. Við hönnun brúar á leið A1 verði athugaður möguleiki á samstarfi við Vesturorku um sjávarfallavirkjun.
„Á samráðsfundum með innanríkisráðherra haustið 2011 voru skilaboðin þau, að skoða ætti alla kosti á láglendi og sér sveitarstjórn ekki að það sé uppfyllt nema að tekið verði tillit til ofangreindra athugasemda,“ segir í bókun hreppsnefndar.
Ítarefni (undir fréttinni eru margir fleiri tenglar á fréttir og annað efni varðandi þessi mál):
► 30.08.2011 Vegur með sjávarfallavirkjun og Reykhólar í þjóðbraut?