Garðar Jónsson, Eggert Ólafsson og Helgi Jón Ólafsson og fremst Fanney Birgisdóttir með skjöldinn.

Skjöldurinn góði í höndum Fanneyjar.

« 1 af 2 »

Starfsfólk Þörungaverksmiðjunnar á Reykhólum fékk fyrir nokkru viðurkenningarskjöld frá móðurfyrirtækinu FMC vegna öryggismála. Viðurkenningin er fyrir samfellt tveggja ára tímabil eða árin 2012 og 2013 þar sem engin slys urðu á starfsmönnum fyrirtækisins. Skjöldurinn er svartur og gylltur á dökkri viðarfjöl og prýðir nú mötuneyti verksmiðjunnar. Þar er hann áminning um gott starf í öryggismálum og nauðsyn þess að áfram verði haldið á sömu braut.

Garðar Jónsson öryggisstjóri Þörungaverksmiðjunnar segir skjöldinn vera mjög gott og verðskuldað klapp á bakið á öllum starfsmönnum félagsins og jafnframt hvatning til að halda áfram á góðri leið. Öll áhersla sé lögð á öryggismál og að ekki verði slys á fólki.