Á fundi hreppsnefndar Reykhólahrepps í dag tilkynnti Gústaf Jökull Ólafsson að hann gæfi ekki kost á sér á ný í embætti oddvita hreppsnefndar. Eftir kosningarnar á síðasta ári var hann endurkjörinn oddviti til eins árs en Andrea Björnsdóttir var kjörin varaoddviti. Á fundinum í dag var Andrea kjörin oddviti með atkvæðum allra hreppsnefndarmanna nema hvað hún sjálf sat hjá við atkvæðagreiðsluna. Eiríkur Kristjánsson var með sama hætti kjörinn varaoddviti. Ásta Sjöfn Kristjánsdóttir og Sveinn Ragnarsson voru kjörin skrifarar.

 

Hreppsnefndin þakkaði Gústaf Jökli fyrir oddvitastörf hans í þágu Reykhólahrepps og bauð jafnframt nýjan oddvita velkominn til starfa.

 
Þess má geta, að við sveitarstjórnarkosningarnar á síðasta ári báðust þrír af fimm hreppsnefndarmönnum í Reykhólahreppi undan endurkjöri eins og þeir höfðu rétt til. Í þeim hópi voru það einungis þeir Gústaf Jökull og Sveinn Ragnarsson sem báðust ekki undan kjöri í hreppsnefnd.