Fjöldi mynda sem birst hafa með fréttum á Reykhólavefnum á árinu sem er að kveðja er kominn inn í Ljósmyndir > Myndasyrpur > Svipmyndir ársins 2011 í valmyndinni til vinstri. Með því að fletta þeim rifjast efalítið sitthvað upp af viðburðum ársins enda er hér um eins konar annál að ræða. Líkt og þar kemur fram er auðvelt að finna þær fréttir sem myndirnar fylgdu, fyrir þá sem hafa áhuga, og þá líka í mörgum tilvikum fleiri myndir með hverri frétt.

Dagsetningin þegar viðkomandi frétt birtist er undir hverri mynd. Fljótlegt er að finna fréttina með því að smella á Eldri fréttir neðan við fréttadálkinn á forsíðunni og finna þar mánuðinn og dagsetninguna.

Þegar komið er inn í myndasyrpuna og búið að stækka mynd er flett áfram og til baka með því að smella á litlu myndirnar uppi til beggja hliða. Einhverjir vilja kannski dunda sér við að skoða þessar svipmyndir til upprifjunar um áramótin jafnframt því sem þeir ráða myndagátuna og krossgátuna stóru sem Morgunblaðið hefur birt um hver áramót allt frá landnámsöld.