Byggðarráð Dalabyggðar skorar á vegamálastjóra að bjóða hið fyrsta út framkvæmdir við endurbætur á veginum um Laxárdal. Vegurinn um Laxárdal er þjóðleið sem tengir Vesturland við Norðvesturland en er ekki boðlegur eins og ástand hans er í dag. Tafir og forgangsröðun samgönguyfirvalda hafa um langt árabil bitnað á íbúum Dalabyggðar og er mál að linni. Færa þarf samgönguleiðir innan svæðisins frá því að vera moldarslóðar í það að geta talist boðlegar á 21. öldinni.

Þannig hljóðar bókun sem gerð var á fundi byggðarráðs Dalabyggðar í dag. Hún er send þingmönnum NV-kjördæmis, samgönguráðherra, vegamálastjóra og umdæmisstjóra Vegagerðarinnar á NV-landi auk fjölmiðla.