Í byrjun vikunnar (7. janúar) voru settar hér á vefinn upplýsingar um ættmóðurina breiðfirsku Sesselju Jónsdóttur. Það var gert í framhaldi af upplýsingum um það fólk upprunnið í Austur-Barðastrandarsýslu sem náð hefur hæstum aldri, svo vitað sé. Ekki síst í ljósi þess hversu margir lesa efni af þessu tagi hér á vefnum (þessar tvær fréttir hafa verið opnaðar hátt í 700 sinnum) skal vakin athygli á því, að tvisvar (9. og 12. janúar) hefur verið skotið inn í frásögnina af Sesselju viðbótum og athugasemdum, ásamt því sem mynd úr prestsþjónustubók hefur verið bætt þar við.

Fyrirsögninni sem hér um ræðir hefur tvívegis verið breytt. Fyrst var fyrirsögnin Ættmóðirin Sesselja Jónsdóttir úr Svefneyjum, síðan var henni breytt í Ættmóðirin breiðfirska Sesselja Jónsdóttir og núna hefur henni verið breytt til fyrra horfs á ný. Skýringin á þessu kemur fram í seinni viðbótinni (seinna innskotinu).

Sjá hér:

► 07.01.2013 Ættmóðirin Sesselja Jónsdóttir úr Svefneyjum