Atli Georg Árnason hefur látið af störfum sem framkvæmdastjóri Þörungaverksmiðjunnar hf. á Reykhólum. Einn af stjórnarmönnum fyrirtækisins tilkynnti þetta á fundi með starfsfólki í morgun. Starf framkvæmdastjóra verður auglýst eins fljótt og tök eru á. Þangað til nýr hefur verið ráðinn mun Þorgeir Samúelsson framleiðslustjóri verksmiðjunnar sjá um daglegan rekstur, sem verður með óbreyttu sniði.
 
Ekkert er gefið upp um ástæðu þess að Atli Georg hætti. Hann hafði gegnt starfinu frá nóvemberbyrjun 2008 eða liðlega tvö og hálft ár.