Á Vestfjörðum getur styrkurinn numið allt að 20% af flutningskostnaði samkvæmt lögum nr. 160/2011 um svæðisbundna flutningsjöfnun. Fulltrúar Byggðastofnunar verða með kynningarfund vegna umsókna um flutningsjöfnunarstyrki fimmtudaginn 14. mars kl 14 í fundarsal Þróunarsetursins á Ísafirði.

Hægt verður að taka þátt í fundinum gegnum fjarfundabúnað á Hólmavík og Patreksfirði. Ef áhugi kemur fram í Reykhólahreppi mun sveitarstjóri leita eftir því hvort ekki verði líka hægt að taka þátt í fundinum gegnum fjarfundabúnað á Reykhólum.

Á heimasíðu Byggðastofnunar (www.byggdastofnun.is) má finna upplýsingar um flutningsjöfnunarstyrki sem gagnlegt er að fara í gegnum fyrir fund.

Umsóknarfrestur um styrki er til 31. mars en opnað verður fyrir umsóknir á allra næstu dögum.

Nánari upplýsingar veita Anna Lea Gestsdóttir hjá Byggðastofnun í síma 455-5433 og 660-5544 (anna@byggdastofnun.is) og Jón Páll Hreinsson hjá Atvinnuþróunarfélagi Vestfjarða í síma 450 3051 og 8994311 (jonpall@atvest.is).