Viktoría Rán Ólafsdóttir, verkefnastjóri hjá Atvinnuþróunarfélagi Vestfjarða, sendi slóð á atvinnulífskönnun til birtingar hér á vefnum, þar sem svarað er gegnum netið. Ekki aðeins er fólk sem núna er búsett í Reykhólahreppi eindregið hvatt til að svara því sem þar er spurt um heldur brottfluttir líka.

Í inngangi segir:

• Markmið könnunarinnar er að safna upplýsingum fyrir stefnumótunarvinnu sveitarfélaga í atvinnumálum, kanna viðhorf íbúa til atvinnumála svæðisins og skoða hvernig betur sé hægt að tryggja fyrirtækjum og einstaklingum uppbyggilegt rekstrarumhverfi.
• Þátttaka í könnuninni er mikilvæg fyrir samfélagið. Niðurstöður verða nýttar til að móta sameiginlega framtíðarsýn og auðvelda samræmda ákvörðunartöku til að bæta þjónustu og vinna markvisst að því að styðja og efla atvinnulíf svæðanna.

► Smellið hér til að opna og svara (tekur aðeins fáeinar mínútur)

Vinsamlegast deilið þessu!