Úr Kvígindisfirði

Kvígindisfjörður

« 1 af 2 »

Kirkjuból á Bæjarnesi og Dalur í Kvígindisfirði

Sveitarstjórn Reykhólahrepps samþykkti á fundi sínum 8. desember 2016 að auglýsa samkvæmt 41. gr. skipulagslaga nr. 123/2010 tillögu að deiliskipulagi fyrir Kirkjuból á Bæjarnesi og Dal í Kvígindisfirði. Báðar tillögurnar samræmast aðalskipulagi Reykhólahrepps 2006-2018, með síðari breytingum.

Jörðin Kirkjuból liggur vestan til á Bæjarnesi sem er á milli Kvígindisfjarðar og Kollafjarðar í Reykhólahreppi. Á landi Kirkjubóls er gert ráð fyrir 23 frístundalóðum og er hver þeirra um 10.000 m² að stærð, utan um 2.000 m² lóð undir gamla bæinn. Frístundahús skulu ekki vera stærri en 300 m2 og nýtingarhlutfall lóða ekki hærra en 0,03.

Jörðin Dalur liggur inn í Kvígindisfirði í Reykhólahreppi. Skipulagt landsvæði er um 50 ha að stærð. Nú þegar hafa verið reist nokkur hús á svæðinu. Gert er ráð fyrir 12 byggingarreitum fyrir frístundahús, geymslur og vélahús.

Uppdrættir ásamt greinargerðum og fornleifaskýrslum beggja svæða, liggja frammi á skrifstofu Reykhólahrepps frá 04. maí til 16. júní 2017. Enn fremur verða gögnin aðgengileg á heimasíðu sveitarfélagsins www.reykholar.is. Athugasemdum skal skila skriflega á skrifstofu Reykhólahrepps að Maríutröð 5a eða á netfangið byggingarfulltrui@dalir.is fyrir 16. júní 2017 merkt “Deiliskipulag fyrir Kirkjuból á Barðaströnd” eða „Deiliskipulag fyrir Dal í Kvígindisfirði“.

Búðardalur 28.04.2017

Kristján Ingi Arnarsson

Staðgengill skipulags- og byggingarfulltrúa

Fylgigögn með auglýsingunni eru í þessum tengli.