Með vísan til 5. gr. laga um framkvæmd þjóðaratkvæðagreiðslna, nr. 91/2010, sbr. ályktun Alþingis 24. maí 2012, skal fara fram hinn 20. október 2012 ráðgefandi þjóðaratkvæðagreiðsla um tillögur stjórnlagaráðs að frumvarpi til stjórnskipunarlaga og tiltekin álitaefni þeim tengd.

• Kjördeild verður á skrifstofu Reykhólahrepps, Maríutröð 5a, Reykhólum.
• Kjörfundur hefst kl. 9.00 og lýkur kl. 18.00.
• Kjörskrá hefur verið gefin út af sveitarstjórn Reykhólahrepps og liggur hún frammi á skrifstofu hreppsins að Maríutröð 5a á Reykhólum.
• Kjósandi skal gera kjörstjórn grein fyrir sér með því að framvísa persónuskilríkjum. Þess vegna minnum við kjósendur sérstaklega á að muna eftir persónuskilríkjunum.
• Kjósanda, sem ekki getur sótt kjörfund á kjördegi vegna sjúkdóms, fötlunar eða barnsburðar, er heimilt að greiða atkvæði í heimahúsi nema hann eigi kost á að greiða atkvæði á stofnun. Ósk um að greiða atkvæði í heimahúsi skal vera skrifleg og studd vottorði lögráða manns um hagi kjósandans og hafa borist kjörstjórn eigi síðar en kl. 16 þriðjudaginn 16. október 2012.

Upplýsingar um þjóðaratkvæðagreiðsluna og framkvæmd hennar má meðal annars nálgast á vefnum www.kosning.is. Einnig skal bent á veglegan bækling sem borist hefur inn á öll heimili í landinu og hefur að geyma góðar upplýsingar um þjóðaratkvæðagreiðsluna.

10. október 2012.

Kjörstjórn Reykhólahrepps,

Áslaug B. Guttormsdóttir, formaður,

Steinunn Ó. Rasmus,

Arnór Grímsson.