Grettislaug á Reykhólum.

Umf. Afturelding (UMFA) hyggst leigja út auglýsingaskilti sem hengd verða innan á skjólvegginn kringum Grettislaug á Reykhólum. Ætlunin er að þau verði uppi í eitt ár en þeir sem vilja halda áfram borga þá fyrir eitt ár á ný. Skiltin fást í tveimur stærðum. Hæðin er í báðum tilvikum 90 cm en breiddin getur verið einn metri eða tveir metrar.

Verðið er 40 þúsund fyrir minni skiltin en 60 þúsund fyrir stærri skiltin.

Þeir sem vilja leigja sér skilti láti vita í tölvupósti ekki seinna en mánudaginn 28. maí (annan í hvítasunnu). Nánari upplýsingar veitir Guðrún í síma 865 5237.

Texta og merki (lógó) á skiltin þarf að senda í tölvupósti á pdf-formi.

Þetta kemur fram í tilkynningu frá stjórn UMFA.