Velferðarvakt félagsmálaráðuneytisins auglýsir eftir umsóknum í Mótvægissjóð Velferðarvaktar samkvæmt reglum hans. Tilgangur Mótvægissjóðs er að styðja við aðgerðir sem draga úr afleiðingum efnahagskreppunnar fyrir fjölskyldur og einstaklinga í landinu. Að þessu sinni eru til ráðstöfunar 15 milljónir króna. Styrkfjárhæð skal að jafnaði ekki vera lægri en 500.000 krónur og að hámarki helmingur heildarkostnaðar við verkefni.

 

Verkefni sem til greina kemur að styrkja eru:

- Ný tímabundin verkefni fyrir tiltekna hópa sem orðið hafa illa úti í efnahagsástandinu.

- Sérstök verkefni til að styðja starfsfólk sem aðstoðar þá sem eiga í miklum erfiðleikum.

- Samræming verkefna og samstarfsverkefni á vegum þriðja geirans.

 

Umsóknarfrestur er til 1. mars. Sótt skal um styrk á sérstöku umsóknareyðublaði (sjá hér fyrir neðan).

 

Umsóknareyðublað (pdf)

Reglur Mótvægissjóðs velferðarvaktarinnar (pdf)

 

Nánari upplýsingar veitir Ingibjörg Broddadóttir í síma 545 8100 eða í tölvupósti: ingibjorg.broddadottir@fel.stjr.is.