Unnið að mokstri. Ljósm. M.Ól.H.

Skriðan við Múla, séð inn fjörðinn. Ljósm. Magnús Ólafs Hansson.

Ljósm. M.Ól.H.

« 1 af 3 »

Núna á fjórða tímanum síðdegis á sunnudegi eru Brynjólfur Víðir Smárason á Reykhólum og Einar V. Hafliðason í Fremri-Gufudal með tæki sín að ryðja burt aurskriðu sem féll fyrr í dag yfir veginn rétt innan við Múla við Kollafjörð austanverðan. Enn flæðir leysingadrulla yfir veginn og út í sjó. Líklegt er talið að vegurinn verði orðinn fær eftir einn eða tvo klukkutíma. Nokkrir bílar bíða beggja vegna.

Viðbót: Líka féll nú fyrir stuttu aurskriða við Klett í Kollafirði. Þar er unnið að hreinsun og líklegt að vegurinn opnist fljótlega.

Myndirnar tók Magnús Ólafs Hansson á Patreksfirði, sem er á leiðinni vestur. Mynd nr. 2 er tekin áður en tækin komu. Mynd nr. 3 er tekin undir lokin.

Önnur viðbót: Núna rétt fyrir klukkan hálfátta í kvöld kom tilkynning á vef Vegagerðarinnar um að vegurinn í Vattarfirði sé lokaður vegna aurskriðu.