Kominn er hér á vefinn bæklingur um frístundastarf í Reykhólahreppi undir flipanum Tómstundastarf hér til vinstri.

Það er Jóhanna Ösp Einarsdóttir tómstundafulltrúi sem á veg og vanda af honum.

Öllum börnum í yngri árgöngum grunnskóla skal gefinn kostur á þjónustu frístundaheimila.

Frístundastarf á Íslandi einkennist af uppeldisfræði þar sem leikur, óformlegt nám, val, samskipti og sjálfstæði barna eru í hávegum höfð.

Frístundaheimilin eru orðin einn af grunnþáttum í þjónustu sveitarfélaganna.

Mikilvægt er að horfa á barnahópinn sem heild og mæta börnunum þar sem þau eru stödd, burtséð frá bakgrunni eða sérþörfum. Því er lögð lykiláhersla á það að fjölbreytt viðfangsefni séu í boði, svo allir geti fundið eitthvað við sitt hæfi.