Ólína Kristín Jónsdóttir.

Ólína Kristín Jónsdóttir frá Mýrartungu II í Reykhólasveit var kosin formaður Barðstrendingafélagsins á aðalfundi þess í gærkvöldi, en Snorri Jóhannesson gaf ekki kost á sér til formennsku áfram. Ólína hefur verið varaformaður síðasta árið. Auk Snorra gekk Ásta Jónsdóttir úr stjórninni. Hugrún Einarsdóttir frá Gilsfjarðarbrekku færðist upp í aðalstjórn. Ný í varastjórn komu Gauti Eiríksson frá Stað á Reykjanesi í Reykhólasveit og Þórunn Haraldsdóttir frá Patreksfirði.

Ný í ritnefnd félagsins var kosin Unnur Helga Jónsdóttir, systir Ólínu Kristínar.

Fyrsti fundur nýrrar stjórnar verður haldinn 29. apríl. Þá mun stjórnin skipta með sér verkum að öðru leyti.

Á vefsíðu Barðstrendingafélagsins eru Snorra og Ástu færðar kærar þakkir fyrir frábært starf í félaginu og bestu velfarnaðaróskir.

► Barðstrendingafélagið