Annað kvöldið af fjórum í Spurningakeppni átthagafélaganna 2015 verður í kvöld, fimmtudag, og hefst kl. 20. Sem fyrr er keppnin haldin í Breiðfirðingabúð, Faxafeni 14 (fyrir ofan Bónus). Meðal þeirra sem keppa í kvöld eru lið Barðstrendingafélagsins og Breiðfirðingafélagsins. Þar sem um útsláttarkeppni er að ræða er ljóst að annað þeirra mun falla úr leik.

Í síðustu viku var sagt frá keppninni í Fréttablaðinu (sjá mynd) og rætt við Gauta Eiríksson frá Stað, sem er eins og áður höfundur spurninga, spyrjandi og dómari.