Hótel Bjarkalundur.

Hótel Bjarkalundur í Reykhólasveit ásamt tæplega 60 ha eignarlandi (þar með Berufjarðarvatni) er auglýst til sölu hjá Fasteignasölunni Kaupsýslunni. Þar kemur fram að ásett verð er 120 milljónir króna, brunabótamat um 225 milljónir og fasteignamat um 35 milljónir og ekkert áhvílandi. Byggingarnar eru hótelið sjálft, sex gestahús, þjónustumiðstöð og starfsmannahús.

Bjarkalundur, sem er rétt að verða sjötugur, var framtak Barðstrendingafélagsins á sínum tíma. Vígsluhátíð var haldin 29. júní 1947 og miðast aldurinn formlega við þann dag. Hótelið hafði reyndar verið tekið í gagnið árið áður þó að framkvæmdum væri ekki lokið.

Ítarlegar upplýsingar um Bjarkalund á vef fasteignasölunnar

Ágrip af sögu Bjarkalundar í tilefni af 65 ára afmælinu sumarið 2012

Einar Örn Thorlacius fyrrv. sveitarstjóri: Hótel Bjarkalundur