Björgunarsveitin komin með heimasíðu
Björgunarsveitin Heimamenn í Reykhólahreppi hefur opnað heimasíðu, sem er undirsíða hér á Reykhólavefnum. Til að fara inn á hana er smellt á rauða kassann (merki sveitarinnar) í dálkinum hér hægra megin. Efst á nýju síðunni eru helstu upplýsingar, svo sem útkallssími, nöfn og símanúmer stjórnarmanna og reikningsnúmer fyrir þá sem vilja styrkja starfið. Þar fyrir neðan er fréttadálkur með sama sniði og þessi, þar sem inn eru settar fréttir og myndir frá starfi Heimamanna.
Í fyrstu fréttinni er sagt frá verðmætabjörguninni á Hjallahálsi í gær og birtar myndir frá því starfi.
Umsjónarmaður síðunnar er Ágúst Már Gröndal, ritari Björgunarsveitarinnar Heimamanna.
Sjá einnig:
► Flutningabíll á hliðinni á Hjallahálsi
► Bíllinn réttur við og farminum bjargað