Kæru systur, kæru systur, ég frétti að Kolfinna hyggist ekki halda utan um leikfimi handa okkur í vetur. Þar fór verr. Ég veit að sumar eru duglegar að ganga með Jóhönnu og er það vel, en getum við ekki samt spriklað eitthvað inni við í vetur?

Þannig hefst „fyrirspurn og hugleiðing“ sem María Maack á Reykhólum sendi til birtingar. Síðan segir hún:

Mér datt nú í hug hvort einhver flink þekki reglur blaks og geti stýrt hópnum inn í blaktíma einu sinni eða tvisvar í viku ... bara ekki á mánudögum og miðvikudögum fyrir kl. 18 því þá er ég á Hólmavík!

Ég gæti tekið að mér sundleikfimi sem byggð er á bakleikfimi einu sinni í viku í október og nóvember, en eingöngu á þessum opnunartímum laugarinnar: Þriðjudaga, fimmtudaga eða föstudaga kl. 16-20. Hvernig litist ykkur á þrjú korter á þriðjudögum milli kl. 17 og 18 til dæmis? Og þá blak á fimmtudögum? Nú eða jóga eða súmba eða aðra leikfimi ef einhver kann ...