Núna um áramótin tók Hrefna Jónsdóttir við starfi bókavarðar á Héraðsbókasafni Reykhólahrepps í skólanum á Reykhólum. Síðustu misserin hefur Harpa Eiríksdóttir gegnt því starfi en Sigmundur Már Atlason hljóp í skarðið frá því í haust og til áramóta. Harpa kom heim um hátíðarnar og setti Hrefnu inn í starfið en er nú aftur á förum til að ljúka námi sínu í ferðamálafræðum í Öxnafurðu (Oxford) á Englandi.

Í vetur er bókasafnið á Reykhólum opið á mánudögum og miðvikudögum kl. 17-19. Það er til húsa í gamla leikfimisalnum í Reykhólaskóla.

Sjá einnig:

► 04.01.2013 Fjöldi nýrra bóka á bókasafninu á Reykhólum