Héraðsbókasafn Reykhólahrepps verður opnað á ný á fimmtudag, 1. desember. Sem fyrr er safnið til húsa í Reykhólaskóla en núna hefur því verið komið fyrir í gamla íþróttasalnum. Af þessu tilefni er fólki boðið að koma í heimsókn á fimmtudaginn milli kl. 14 og 16 en þá verður starfið í vetur kynnt og nýjungar sem safnið stendur fyrir. Klukkan 14.30 verður sögustund fyrir krakkana þar sem lesin verður skemmtileg jólasaga. Piparkökur og jólaöl verða í boði. Bókavörður er Harpa Eiríksdóttir.

Harpa segist hlakka til að sjá sem flesta og minnir fólk jafnframt á að skila bókum sem fengnar voru að láni fyrir lokun safnsins á gamla staðnum á sínum tíma.

Laugardaginn 3. desember verður opið kl. 10-12 og kl. 11 verður lesið fyrir börnin. Síðan verður safnið opið á mánudögum kl. 15-17 og miðvikudögum kl. 13-15.

Miðvikudaginn 21. desember (síðasta afgreiðsludag fyrir jól) verður það frávik, að opið verður kl. 13-18. Lokað verður annan í jólum þó að það sé mánudagur. Síðan verður opið 28. desember eins og venjulega.

Afgreiðslutími bókasafnsins eftir áramót

• Mánudaga kl. 15-17.
• Miðvikudaga kl. 13-15.
• Fyrsta laugardag í hverjum mánuði kl. 10-12 og lesið fyrir börnin kl. 11.