Nú líður að bolludegi og sprengidegi. Síðan kemur öskudagur.

Eyvi kaupmaður á Reykhólum verður á bollubílnum fyrir bolludaginn eins og áður. Hann fer á sunnudagsmorgun (bolludagurinn er á mánudag) suður í Geirabakarí í Borgarnesi og nýbakaðar bollurnar ættu að vera komnar í Hólakaup um kl. 13.30. Ef fólk vill láta taka frá fyrir sig, þá er bara að hringja í búðina sem allra fyrst (434 7890).

Fyrir sprengidaginn á þriðjudag er nóg til í Hólakaupum af saltkjöti og baunum og því sem við á að éta. Á öskudaginn á miðvikudag verður að venju nammi fyrir söngglaða.

► 15.02.2012 Meira en 300 km akstur að sækja bollurnar

► 20.02.2012 Gísli Einarsson, Eyvi og bollurnar - myndskeiðið