Afmælisbarnið og Bragginn eru klárir.

Snæbjörn Jónsson flugmaður frá Mýrartungu (afkomandi og nafni hins fræga Snæbjarnar í Hergilsey) varð fimmtugur á þjóðveldisdaginn fyrsta desember í vetur. Loksins er komið að afmælisfagnaðinum, sem verður núna á laugardagskvöld með pompi og prakt í „Bragganum“ á lögheimili hans, Krossnesi við Þorskafjörð. Þeir Múlabræður og Óskar Valda eru búnir að stilla græjurnar og munu halda uppi fjörinu.

Jón Kristinn Snæhólm sér um veislustjórnina og Steinar Pálma ætlar að heilgrilla eins og eitt stykki sauðkind. Kvenfélagið Katla ætlar að sjá um að útbúa nesti svo að enginn verði svangur.

„Eiríkur frændi minn Snæbjörnsson á Stað sér um að nóg verði til af hangikjöti með nestinu. Allir eru velkomnir og væri gaman og heiður að sjá sem flesta og veðurspáin er góð. Og nægilegt er plássið!“ segir Snæbjörn.

Ef einhverjir rata ekki að Krossnesi (ekki langt frá Hofsstöðum), þá er bara að hringja í Snæbjörn í síma 894 5785.