Frá sextán liða úrslitum / jr.

Í átta liða úrslitum Spurningakeppni átthagafélaga í fyrrakvöld hafði lið Breiðfirðingafélagsins betur gegn liði Árnesingafélagsins. Liðið skipuðu að þessu sinni Elís Svavarsson, Páll Guðmundsson og Karl Hákon Karlsson. Af þeim er Páll sá eini sem var í sigurliði félagsins í sextán liða úrslitum. Þess má geta, að einn af liðsmönnum félagsins þá, Grétar Sæmundsson, keppir í kvöld til úrslita í Gettu betur þegar MR og MH eigast við.

Fjögurra liða úrslit Spurningakeppni átthagafélaga fara fram 11. apríl. Þá eigast við Breiðfirðingafélagið og Skaftfellingafélagið annars vegar og Norðfirðingafélagið og Dýrfirðingafélagið hins vegar. Úrslitakeppnin verður síðasta vetrardag, 24. apríl.

Allar umferðirnar í keppni þessari fara fram í Breiðfirðingabúð í Reykjavík.

► 07.03.2013 Hefðum mátt standa okkur betur

► Breiðfirðingafélagið